Fannhvítt frá Fönn

Fannhvítt frá Fönn

Fönn er til húsa að Kletthálsi 13 í Árbæ.  Verið velkomin!

Fönn er alhliða þvottahús og efnalaug (fatahreinsun) sem er búið sérhæfðum tækjabúnaði. Viðskiptavinir okkar eru einstaklingar, fyrirtæki, húsfélög og stofnanir sem geta fengið allan sinn þvott þveginn eða hreinsaðan hjá Fönn, hvort sem um er að ræða lín, handklæði, skyrtur, vinnugalla, jakkaföt, kjóla, sængur, teppi eða gluggatjöld.  

Fönn leigir einnig út borðdúka, servéttur, rúmfatnað, handklæði, gólfmottur, handklæðadregla og handklæðakassa.  

Fönn notar við þjónustu sína fullkomnustu tæki sem finnast á markaði og fyrirtækið er í stöðugri þróun varðandi nýjar aðferðir í þvotti og hreinsun. Hjá Fönn starfar fólk með mikla þekkingu og reynslu í meðhöndlun á efnum til að ná hámarksárangri í þvotti og hreinsun.

Þvottahúsið Fönn ehf. var stofnað 29. janúar 1960 og var til húsa fyrstu árin í bakhúsi að Fjólugötu 19b í Reykjavík.  Starfsemin var að uppistöðu til skyrtuþvottur og starfsmenn voru einungis þrír. Tækjakosturinn í þá daga var 12 kg þvottavél, ein 7 kg þeytivinda, sérhannað skyrtusett og ein lítil strauvél.

Árið 1967 flutti Fönn að Langholtsvegi 113 og keypt voru ný og fullkomnari tæki. Fyrirtækið stækkaði ört á þessum árum og húsnæðið að Langholtsvegi varð óhentugt enda á þremur hæðum.

Árið 1982 voru starfsmenn Fannar orðnir 25 talsins og það sama ár flutti Fönn í Skeifuna 11. Starfsemin var þá að mestu leyti rekin á einni hæð, á um 1.230 fermetrum en stækkaði í 2.000 fermetra árið 2004. 

Árið 2014 var örlagaár í sögu Fannar því þá brann húsnæðið í Skeifunni og allt sem í því var. Starfsemin lagðist þó ekki niður og með þrotlausri vinnu starfsmanna og aðstoð góðra fyrirtækja var þvottur viðskiptavina þveginn víða um borgina þar til í desember 2014 að Fönn flutti í nýtt húsnæði að Kletthálsi 13 þar sem fyrirtækið starfar í dag. Starfsmenn Fannar eru nú um 40 talsins og hafa margir unnið hjá fyrirtækinu í meira en 15 ár.

Fönn hefur yfir að ráða fullkomnum og afkastamiklum tækjabúnaði af nýjustu gerð og þjónar eins og áður þörfum einstaklinga jafnt sem stórra fyrirtækja og stofnana. Aukin afkastageta eykur sveigjanleika okkar til að bregðast við breyttum þörfum viðskiptavina. Við leggjum mikið upp úr því að viðskiptavinir okkar geti treyst því að fá þvottinn sinn hreinan á umsömdum tíma og að gæðin uppfylli væntingar þeirra. 

 GÆÐI – TRAUST – SVEIGJANLEIKI

Fönn - Þvottaþjónustan ehf. - Kletthálsi 13 - 110 Reykjavík - sími 510 6300 

Kt. 641097-3229 - Vsk. nr. 112524

Netfang: fonn@thvottur.is

Facebook: https://www.facebook.com/thvottur

Fönn er  alhliða þvottahús og efnalaug sem er búið sérhæfðum tækjabúnaði og starfsfólki með fagþekkingu. Fönn hefur frá upphafi þvegið og hreinsað þvott fyrir einstaklinga.  

Viðskiptavinir okkar eru einstaklingar, húsfélög, fyrirtæki,  og stofnanir sem geta fengið allan sinn þvott þveginn eða hreinsaðan hjá okkur.

Fönn þvær og hreinsar

• Rúmföt og náttföt
• Handklæði og þvottapoka
• Skyrtur og blússur
• Sængurver og koddaver
• Jakkaföt og kjólföt
• Kjóla og pils
• Hanska og hálsklúta
• Húfur og vettlinga
• Dúnúlpur og kerrupoka
• Sængur og kodda
• Yfirdýnur og undirföt
• Rúmteppi og ullarteppi
• Borðdúka og servéttur
• Heimilismottur og borðmottur
• Gluggatjöld og svefnpoka 
• Vinnugalla og innigalla
• ...og margt fleira

Fönn leigir út

• Borðdúka og servéttur
• Lín og lök
• Sængurver og koddaver
• Handklæði og baðmottur
• Mottur -  rykmottur 
• Handklæðadregla og handklæðakassa

Við höfum komið okkur fyrir á nýjum stað á Kletthálsi 13 í Árbæ.

Verðlisti fyrir hreinsun 

- Verð pr. stykki:

• Blússa 2.979 kr
• Buxur 2.429 kr
• Buxur í pressun 1.860 kr
• Jakkar 2.429 kr
• Jakkar í pressun 1.860 kr
• Kjóll 4.101 kr
• Peysa 1.769 kr
• Pils 2.429 kr
• Bindi 1.153 kr
• Vesti 1.364 kr
• Kápa 4.371 kr
• Frakki 4.371 kr
• Skyrta (þvottur) 1.007 kr

SÆKJUM OG SENDUM

Fönn sér um að sækja og senda þvott til fyrirtækja. Hafið samband og saman finnum við út hvaða dagar henta best til að sækja og senda þvottinn og hversu ört.  

Fönn sér um að sækja persónulegan fatnað starfsmanna til fyrirtækja og skila aftur eftir hreinsun. 

LEIGJUM ÚT DÚKA OG SERVÉTTUR

Fönn leigir út borðdúka og servéttur til lengri eða skemmri tíma hvort heldur sem er fyrir brúðkaup, fermingar eða til veitingahúsa.  Gott er að panta tímanlega. 

Dúkastærðir eru:
1,40 m x 1,40 m
1,40 m x 2,10 m
2,30 m x 2,30 m

MOTTULEIGA  - HREINNI OG ÖRUGGARI GÓLF

Fönn leigir út gólfmottur sem eru sérstaklega hannaðar til að taka við og geyma mikið magn af ryki, óhreinindum og bleytu. Motturnar henta vel á svæðum þar sem margir ganga um og þar sem gæta þarf hreinlætis.

Rannsóknir hafa sýnt að megnið af því ryki og óhreinindum sem er að finna í byggingum berst þangað inn með gangandi vegfarendum. Motturnar veita góða vörn gegn þess háttar gólfmengun og bókstaflega stöðva hana við dyrnar. 

Motturnar draga úr slysahættu sem hlýst af blautu og hálu gólfi. Á bakhlið þeirra er gúmmí sem heldur þeim kyrrum á gólfinu. Motturnar verja gólfin og ræstikostnaður lækkar.

MOTTULEIGA - VIÐ FJARLÆGJUM ÓHREININDIN FYRIR ÞIG

Við sækjum óhreinu mottuna og setjum hreina mottu í staðinn. Með því að ryksuga mottu fjarlægirðu aðeins hluta af þeim óhreinindum sem í henni eru eða u.þ.b. 25%. Við tökum mottuna og setjum hreina mottu í staðinn og það virkar 100%.   

Motturnar má þvo við hátt hitastig og því henta þær einnig vel hjá iðnaðarfyrirtækjum þar sem óhreinindi geta verið mikil.

Mottunum er skipt út vikulega eða oftar, allt eftir þörfum viðskiptavina en þó ekki sjaldnar en á fjögurra vikna fresti.

Fönn leigir út mottur til fyrirtækja, stofnana og húsfélaga. 

Stærðir á mottum eru: 
Motta A                  85 cm x 150 cm
Motta B                 115 cm x 200 cm
Motta D                 150 cm x 250 cm

Einstaklingsþjónusta
Fönn hefur í fjöldamörg ár þvegið og hreinsað allan almennan þvott fyrir einstaklinga, auk hreinsunar á fínni fötum svo sem jakkafötum, kjólum, drögtum og fleiru. Fönn þvær allar stærðir af teppum, sængum, koddum og stærri hlutum sem erfitt er að þvo í heimahúsum.

Við tökum ekki lengur á móti fínni mottum, svo sem persneskum mottum.

Sendu okkur línu

Ef þú hefur spurningar til okkar endilega sendu okkur línu.  
Skrifstofan er opin frá kl. 8.00 til kl. 16.00 alla virka daga.
Afgreiðslan á Kletthálsi 13 í Árbæ er opin frá kl. 8.00 til kl. 17:00 alla virka daga.